Read اللوح المحفوظ by عبد الحميد عبد اللطيف Online

اللوح المحفوظ

من بين كل خمسين شخصًا هناك واحد مصاب بالوسواس القهري..و(آدم المهدي) كان واحدًا من الذين يعيشون في حفرة الوساوس.. ينظر إلى الدنيا بعدسات الفِكْر المضطرب، بينما يحافظ على صورته الاجتماعية بمكياج العاقل.. كانت كلّ محاولاته للخروج من المرض هشّة ودائمًا مؤجّلة، حتى أتته يومًا مكالمة من حبيبته لم يستطع أن يجيبها.. جعلته تلك المكالمة يصل إلى ذروة الوساوس، ليتحوّل بعدها إلى الحالةمن بين كل خمسين شخصًا هناك واحد مصاب بالوسواس القهري..و(آدم المهدي) كان واحدًا من الذين يعيشون في حفرة الوساوس.. ينظر إلى الدنيا بعدسات الفِكْر المضطرب، بينما يحافظ على صورته الاجتماعية بمكياج العاقل.. كانت كلّ محاولاته للخروج من المرض هشّة ودائمًا مؤجّلة، حتى أتته يومًا مكالمة من حبيبته لم يستطع أن يجيبها.. جعلته تلك المكالمة يصل إلى ذروة الوساوس، ليتحوّل بعدها إلى الحالة الوحيدة التي ذهبت بالمرض إلى حيث لم يذهب أحد من قبل.....

Title : اللوح المحفوظ
Author :
Rating :
ISBN : 9789775153579
Format Type : Paperback
Number of Pages : 149 Pages
Status : Available For Download
Last checked : 21 Minutes ago!

اللوح المحفوظ Reviews

  • Sarah Sabri
    2019-05-03 03:04

    أول شعور عجبتني جداً جداً جداًتاني شعور إيه ده أنا هديها 5 نجوم ولا إيه؟تالت شعور لا أنا هاكتب الريفيو قبل ما أقرا أي ريفيو تاني عليها علشان متأثرش إيجاباً أو سلباً وأقول اللي أنا عايزاه عجبتني جداً فكرة الأنا والآخر داخل الشخصية الواحدة، حسيت أن شخصية أدهم فيها جزء مني ومن ناس كتير أعرفهاعجبتني الرمزية معمولة كويس جداًعجبني العنوان أوي وعجبني أنه متحرقش من أول الروايةنقدر نقول أن اللغة متماسكة. برغم إني مش من محبي فكرة إن الرواية "لازم" تدي عظة وعبرة، لكن واحدة من الروايات القليلة اللي عملت كده بطريقة مضايقتنيش ما حسيتش الأسلوب خطابي حسيته متوظف كويس وحاجة كمان حستها أوي، ومن غير تريقة، واحدة من ضمن الأعمال الأدبية الجديدة اللي حسيت فيها بالشفقة والخوف اللي بيوصلوا في النهاية للتطهير الأرسطي. التطهير الأرسطي مرة واحدة؟!!! بجد مش مبالغة، ده اللي حسيته ومعلش بقى التخصص يحكم. أنا جاهدت نفسي كتير علشان أكتب الكلمتين دول بعيداً عن هاجس الكلام ده كتير على الرواية وليه يعني هو أنتي قريتي لسوفوكليس ونظام أه هما محدثين القراية كده أمال س أو ص يتقال عليه إيه ؟جاهدت نفسي لأنها عجبتني فعلاً عجبتنييمكن كان فيه حاجات محتاجة يكون عليها تركيز أكبر بس في المجمل جميلة.

  • Esraa ahmed
    2019-05-05 04:04

    معرفش ليه فى اقتباس حساه بيعبر عنها (هذه الاوراق اراها محزنة محيرة وكئيبة لكنها صادقة صدق الدم النازف من جرح جديد هى اوراق حقيقية كان من الضرورى ان تكتب لانها كانت البديل الوحيد للانتحار او الهروب مع اى شيطان اردت بهاان تسمع انت صوتى ليس ككاتب يحمل حكما على الاشياء او حكمة ولكن كانسان حائر وحيد يؤنس وحدته ان يتصور ان لكلماته قارئا حائرا وحيدا مثله )بالنسبالى هى بتتحس اكتر من انها تتفهم بتتعمق فى حالات النفس وتعقيدات العقل الى بتخليك تايه وغرقان جواها جوه نفسك.. فى نفس الوقت بتناقش ده بشكل حكى سلسل جدا بعيد عن اى ملل فى اكتر من جزء خلتنى اتنح !خلتنى اتعايش معاها تماما وحسيت انها بتعبر عن حالات الواحد بيمر بيها بس مش بيعرف يعبر عنها هى نجحت فى التعبير عن ده هى (مراية )!حجمها الصغير جعل منها ما قل ودل أوجز فأنجز فأعجز

  • Nourhan Zidan
    2019-05-18 08:58

    مراية مش رواية ديه مرايه و انا بقرأ الرواية ف اجزاء كنت بقف مذهولة الى هو ازاى يعنى ده الجزء ده بالظبط انا مش جزء واحد ولا اتنين لا كتير انا كمية الاقتباسات الى طلعت بيها من الرواية متتعدش الفكرة مبتكرة بتجذبنى اوى الروايات الى فيها جانب نفسى بتشدنى الروايه حجمها صغير بس كفت و وفت الاسلوب بسيط ممتع اوىهى حالة اكتر من ما هى روايه كل واحد هيقراها هيحس احساس مختلف بس الاكيد ان الى هيقراها لازم هيجى عليه جزء ع الاقل يحس انه بيعبر عنه بالملى فكرة ان رواية قادرة توصف حاجات انا مش عارفة اعبر عنها الاقاها مكتوبة قصادى بالنسبالى قمة النجاح ده المطلوب ف صفحات كنت بحتاج اقراها اكتر من مرة عشان بحس انى تهت بس ف المجمل رواية حلوة مختلفة اعتقد انى مهما هقرا تاتى مش هزهق دُمت مبدع :))))

  • ميسره الدندراوي
    2019-04-26 10:49

    عبد الحميد .. انا لسه حالا مخلص الرواية .. الحقيقة الجميل فيها ويمكن اجمل حاجة فيها انها بتناقش حالة ممكن تتفهم بكل معنى .. من الاخر الرواية عبارة عن (مرآة) لنفسك البشرية .. هتشوف فيها الي انت عايز تشوفه والي انت عايز تفهمه ..طبعا حبي الشديد للروايات الي بتتعمق في اعمق اخاديد وخنادق النفس البشرية خلاني اتعايش معاها تماما .. سردك مختلف وجميل ووصلني في اكثر من مرحلة للضحك اعجابا و تقديرا .. بجد عمل جميل فعلا .. وخاصة اني ما حسيتش بأي ملل في اي مرحلة منه وده الاهمدعواتي وتمنايتي بالتوفيق .. ومستني جدا عملك القادم بأذن الله

  • Amy Ayman
    2019-04-30 05:04

    رواية جميلة جدا جدا محستش فيها في اي حتة بأي ملل او زهق وخلصتها بسرعة جدا بسبب بساطتها والاسلوب السلس والسهل بتاع الكاتب احلي حاجة في الرواية حجمها الصغير وفي نفس الوقت محستش ان ناقصها اي حاجة كنت فاكرة إني فاكرة كل حاجة وكل الأحداث بس اضطريت أعيد قرأة كذا صفحة لأَنِّي مش فاهمة بس لما خلصتها ليقتها حلوة اوي وحسيتها شبهي في حاجات كتيرة

  • Mohammed Nabil
    2019-04-26 11:08

    "اللوح المحفوظ"انهيتها في 4 ساعات.. التهمت فيها السطور بنهم، نسيت ان التهم أنفاسي، فكنت التهم أنفاسي كمقبلات بجانب السطور الشهيةأتخيله وهو متخذا وضع الخفاش علي سريره لفترة طويلة من عمره! كيف عساه يفعل ذلك؟ من السبب في ذلك؟ للحظة ظننتها جوليانا، ولكن بعد ذلك أقر عقلي أنه هو السبب.. لأنه سمح لها باختراق عقله، وزرع بذور شيطانية بروحه.. من خان مرة قد يخون ألف مرة.بضع صفحات واستطاعت ان تنفذ الي قلبي، بسهولة، اخترقت عقلي بكلمات اثارت ذهني واسئلة فكرت فيها مطولاً.اللغة لطيفة وليست صاخبة، أسلوب الكاتب رائع ويجعلك تذوب وسط الكلمات، استلطفت آدم، واقلقني غموض أدهم بعض الشيء، حواء رقيقة مخملية، وجوليانا حقيرة لما فعلته.علم الكاتب كيف يستخدم قلمه كفرشاة، بارع في الأدب الرمزي.. كل شيء يرمز لشيء، وجدت نفسي في آدم مع اني لست مصاباً بالوسواس القهري، ولكن ربما أحياناً تراودني افكار تكاد تكون هزلية للبعض، اقنع نفسي انها حقيقية.. ثم عندما اكتشف انني اهذي بعقلي، اعود لكذبة الواقع اتململ في شراشفها..النهاية رائعة، مبهرة، جعلتني ابتسم رغماً عني، ثم اجتاحني الشعور بالحماس، لاترجل الآن من تلك السيارة التي ستتدحرج بالعميق قريباً، أحرق الماضي، لاسطر لنفسي مستقبلاً.."فتحت الصندوق برفق، فلم أجد إلا مرآة."ابتسمت واغلقت دفتي الكتاب.. وقلت في نفسي وقتها، "إذا أنا القلم.."لا تكن سجين افكارك، اجعل أفكارك هي انطلاقتك.. حريتك! لا تكن سجين الماضي، اسجن الماضي وأربطه بحجر والقيه باليم ولا تنظر وراءك.. الحياة لحظة، ولا تريد تلك اللحظة ان تمر دون ان تستفيد منها بشيء.

  • مصطفي سليمان
    2019-05-12 02:55

    فيه اسلوب اه فيه أسلوبفيه فكرة اه فيه فكرة طيب فين المشكلة بالظبط؟ مش عارف ومش قادر احدد يعني تمامالهلاوس لشخص يعاني من الواسواس القهري ماشي لكن الفكرة كلها ان التفاصيل وخاصة التفاصيل الشخصية للشخصيات تاهت في وسط الهلاوس ف العموم انا متضايقتش لكن موضوع ال OCDكان المفروض ياخد مساحة أكتر من كداطريقة السرد من حيث التقطيع المتوازي فيها مشكلة مش قادر احدد بالظبط مكانها بس فيه شئ ما ف السرد مكنتش عارف اتواصل معاهالاغراق الكثير و المتكرر من حيث الجمل الوصفية كان نقطة ضعف اه انا فاهم ان طبيعة الشخصية كدا لكن دي مشكلته هو مش مشكلتي انا للان أحيانا وخاصة ف الجزء الاول الموضوع كان كثير ومتكررالكاتب ليه اسلوب لطيف وف العموم جيد بس محتاج يأخد وقت أطول قبل ما يقرر يخرج بالنسخة الاخيرة من الرواية

  • Joe Rostom
    2019-05-08 06:44

    أنا لوهلة كنت فاكر إني فاهم كل حاجة, لكن طلع إني مش فاهم حاجة.. من الروايات القليلة اللي هعيد قرأتها مرة تـانية علشان افهمها.. مع إني هكره إني اتعب مع آدم وأدهم مرة تـانية لإنني ماستحملتش نفسي المرة دي...سؤال واحد لازم اسأله "حواء راحت فين؟"أنا حبيتها من ساعة لما كانت بتلعب بالكورة بتاعته,أنا حبيت فكرة إن آدم في النـار وملاك بيساعده يخرج للجنة الفراشة .. العين المشقوقة .. جولينا .. القداحة .. القلم .. المرآة .. الغرفة المغلقة ..اللوح المحفوظ ..أنا مبهور بيها لإنها وصفت ألم رهيب كان بيمر بفترة كبيرة عليا حاولت فيها أكتب الشعور اللي كنت عايش فيه,عبد الحميد عبد اللطيف و آدم المهدي .. شكرا لإنكم قلتم حاجات كتيرة كنت عاوز أقولها"العبد الذ يطارد السرب.. ولديه علم مسبق ""ألف فرعون يطاردني وأنا بلا موسي "

  • أحمد المجيد
    2019-05-25 06:05

    رواية نفسية عن شاب يتعرض في طفولته لمواقف تجعله يصاب بالوسواس القهري بأن هناك وحشًا أسفل فراشه، وأنه يجب أن يرمق أسفل الفراش طوال الوقت، فيقضي ليله نائمًا في وضعية الخفاش على حافة فراشه، كما أن هناك غرفة مغلقة في بيته، يشعر دائمًا أنه لو فتحها فسيموت أحد أصدقائه.الكاتب أسلوبه ناضج، والرواية جيدة يختلط فيها الواقع بالهلاوس، وفي كثير من الأحيان لا ندري إن كان المشهد حقيقيًا أم يدور في ذهن البطل، والاستطراد فيما يمليه الوسواس القهري على البطل من تصرفات يدخلنا في عقل المصاب بالوسواس القهري في تجربة قد لا تتكرر.

  • Reem Hassan
    2019-05-16 04:11

    الرواية في البداية كانت حلوة جدا وتشد .. بس بعد كدة تهت طول الوقت مكنتش فاهمة هو ايه اللي بيحصل وامتيالفواصل مش واضحة بين المشهد والتاني عجبتني المعلومات الجديدة اللي عرفتها عن المرض ده، وكان اسلوب اكتر من رائع من الكاتب توصيل أعراض المرض والحالة اللي اصحابه بيكونوا فيها الغلاف كمان حلو اوي رغم انه بسيط

  • Ahmed Ibrahim
    2019-05-17 09:06

    الموهبة موجودة لا شك لكن الرواية ضعيفة جدا، الأحداث غير مترابطة، إرهاصات بالجملة ضيعت الفكرة، النهاية هشة للغاية مخيبة لحد كبير جداً غير واضحة تماماً، الرواية في مجملها فكرة مبتورة لم ينجح المؤلف في إيصالها للقارئ كما ينبغي.

  • Sahar
    2019-05-13 04:45

    وانا بقرأها كان تفكيرى فى تقييمها مابين 3نجوم ونجمتين وقررت لما خلصتها ان نجمتين كفاية هى رواية مش وحشة بس مش كلها حلوة اﻻمراض النفسية موضوع صعب انه يتكتب عنه عشان افكار المريض بتكون غير مترابطة ومتشابكة ومتشعبة جدا فلو الكاتب لا يملك ادواته جيدآ ممكن يتوه منه القارئ بسهولة وانا شايفة ان الكاتب كان محتاج يدرس اكتر الموضوع دة قبل ما يكتب فيه معجبنيش الخلط مابين العامية والفصحى ف الرواية يا فصحى ف الحوار وكل حاجة يا عامية انما بين بين دى مبحبهاش وكمان حسيت ان فيها شبه شوية من رواية ان تكون عباس العبد ﻻحمد العايدى وكمان فى نقط لم يوضحها الكاتب فى الحوادث اللى مر بيها البطل عشان يوصل للمرحلة المتأخرة دى من المرض ودى حاجة خلتنى لم اتعاطف مع البطل بالمرة كمان النهاية مينفعش تبقى مفتوحة كدة وانا كاتب رواية مليانة ثغرات فكرية لمريض نفسى على اﻻقل اقفل النهاية قفلة واضحة شوية وأخيرآ عجبتنى الكلمات اللى كانت موجودة على بداية كل فصل مع التاريخ وبعض الجمل الصادمة جوة الرواية

  • Saher El-Shall.
    2019-05-15 09:44

    الرواية تحس و إنت بتقرأها بإنك دخلت "عقل مشحون بالأفكار و الهلاوس و الوساوس" و هي كدة فعلاً!شدني فيها الوصف و التشبيه و نسيت نفسي في أجزاء كتير منها.الحاجة الوحيدة اللي غاظتني منها هي إن فيها حاجات كتير مش مفسرة و إن الكاتب ملخبط الأمور ببعض و سايبها علشان تتوه، و فهمت إن ده اللي عاوزه الكاتب و ده برضو غاظني.أكتر جزء عجبني فعلاً هو أول الكتاب في التشبية اللي حسيته من أول فقرة، الجزء اللي بيوصف فيه الحشرة السوداء الوحيدة و إزاي و إنه بمجرد ما جذبت إنتباهه كانت هي الحاجة اللي أفسدت المشهد الجميل اللي كان فيه، تشبيه حسيت فيه بالوسواس.أكتر إقتباس عجبني أوووي: لماذا يجب عليً أن في كل مرة أن أتذوق فاكهة الشجرة المحرمة لأعرف أنها لا شيء؟و "انا ببوظ حياتي علشان حياتي ما تبوظش"

  • عبدُ الله عماد الدين
    2019-05-13 07:43

    تحمست لفكرة الرواية قبل قراءتها.. أجزاء كثيرة من الرواية لم تكن واضحة بالنسبة لي .. و لكن أعجبتني الكثير من الأفكار ..-الوساوس التي يفكر فيها عقلك .. رغم اقتناعك بعدم وجودها .. و تجد أنه لا بد من أن تقنع عقلك بعدم وجود هذه الوساوس !-التوهان و التخبط و عدم تحمل الحياة .. و بالتالي صعوبة التفكير في مستقبلك و أحلامك.-الهروب من النفس لأنك لن ترضى بحالك إذا واجهتها.-الأفكار التي نبتعد بها عن واقعنا .. فتصبح كالإدمان .. لا نفكر إلا بها.-الشعور بنقصان شيء ما في حياتك .. و لا تعرف ماهيته !-الأفكار الفرعية التي تحول بينك و بين فكرتك الأساسية.... صوت المنطق يحارب صوت الوسواس .. فمن ينتصر ؟

  • Youssef Ahmed
    2019-05-04 10:49

    الرواية حلوة!!! اه عجبتني جداطب ايه عجبك فيها؟مش عارف.... بس هي فيها حاجة كدا تخليك شايف نفسك على الورق.... يمكن جمال الاسلوب يمكن الهلاوس اللي جاتلي وقت الامتحانات!!يعني هي حلوة!! طب ليه اديتها 4عشان توهت فيها كتير.... يعني اجيبها ولا لا؟!هاتها و لو معجبتكش هديك حقها.... :D

  • Ranim
    2019-05-21 05:01

    رواية جميلة بجد جاتلى فى وقتها بتلمس جوا كل واحد حاجه غريبه او هى حالة عموما محتاجه شوية تفاصيل اكتر او انها تطول شويه كنت محتاجه الحاله تطول شويه يمكن تاثيرها يكون اقوى.. بس منكرش انها لمستنى وانى بعتبرها رسالة فالوقت ده بالذات

  • Ahmed Elsukkary
    2019-05-24 06:03

    ع الرغم الفترة الطويلة نسبيا لقراتي الرواية الصغيرة دي بس مش عارف حستها مفككة و هشة ف حاجات كتير نقصاها و توهت منه ف النص مش عارف يمكن العيب مني عشان مكنتش ف " موود " يسمح بقرائتها ؟ مش عارف يمكن لو حصل و قرأتها مرة تانية اقدر اغير رأيي فيها

  • Mohamed Mostafa
    2019-05-21 06:06

    رواية حلوة... بس قصيرة قوي...

  • Ahmed El-galad
    2019-05-22 07:58

    عايز تبقي روائي شاب ؟؟ عايز تبقي كاتب ويبقي ليك حفل توقيع ؟؟؟ اكتب عن فكرة مش مستهلكة كتير ... نبذه عن حاجة جديدة تجذب القاريء علي ضهر الغلاف ...اتفق مع مصمم غلاف محترف ... وقولة ع الفكرة فيرسملك غلاف غامض اكتب جمل غامضة كتير .. كتر في الارهاصات .. اكتب تواريخ وارقام ملهاش علاقة ببعض .... حط كام اسم عربي مع اسم اجنبي ومتقولش اية العلاقة بينهم ... اقتبس كلام غامض وعميق ... حاول تعمل دة كتير لغاية ما يبقي عدد الورق فوق ال 150 ... كرر الكلام ... قول حاجات مش مترابطة .. اعمل اهداء غامض ... واعمل خاتمه غامضة بردو ... روح لدار النشر تطبعهالك علي حسابك ... مبروك انت بقي بقيت روائي شاب ... وبقي ليك حفل توقيع ولينك ع الجود رديزملحوظة : الشيء ان زاد عن حده ... ينقلب ضدة شكرا